أستاذة.. سامية أبو زيد.jpg)
|
|
| تنظيم السعادة | الأحد, سبتمبر 14, 2008 |
|
Filed under:
|
|
تنظيم السعادة لمناهضة الهم والغم
يدعوكم المجاهد الضاحك ’’سمسم بن زادن‘‘ لمناهضة قوى الشر المحيطة بالإنسان من هم وغم وكآبة والتى حطت على القلوب والنفوس بفعل قوى الشر الممثلة فى الحكومة وأذنابها من رجال الإعلام ومن فرضوا أنفسهم على ساحة الفنون، فانتشر القبح وتفشت الكآبة والإحباط.
شعارنا فى تنظيم السعادة لإنقاذ الإنسان هو: ’’اضحك كركر لازم تفكر‘‘ ولكن بلا كركرة من اياها الصادرة من الجوز فى الغرز، بل النابعة من العقل مرورا بالقلب حتى نغسل الروح من الهموم المحيطة بها.
ولكى تنال لقب ضاحك يتوجب عليك الالتزام بميثاق التنظيم:
1ـ تبدأ يومك بنكتة تلقيها ونكتة تسمعها.
2ـ أن تستمع للأغانى الراقية الجميلة والموسيقى الهادئة.
3ـ الابتعاد نهائيا عن صفحات الحوادث فى كافة الجرائد والمواقع.
4ـ التطهر من بيانات الحكومة وأخبارها وكل ما يصدر من أعوانها وعملائها.
5ـ البعد كل البعد عن ماسبيرو وكل ما يصدر عنه من أخبار مكذوبة وفنون مذمومة من عينة ’’باحبك يا حمار، وحبيتك يا بن الكلب دا هواك علم فى القلب‘‘، جاتهم ضربة فى قلبهم جميعا.
6ـ الإبلاغ فورا عن أى تعيس وسرعة إسعافه بنكتة أو طرفة ولم الشمل من حوله حتى ينسى همه.
7ـ كل من يود الانضمام عليه الالتزام بما سبق من الميثاق ويمهر توقيعه فى سجل التعليقات بنكتة من النوع الطازج وحبذا لو كانت تحمل فى طياتها همزا ولمزا على سبب تعاستنا قصف الله أعمارهم جميعا وعلى رأسهم اللى بالى بالك.
هذا والله ولى التوفيق وسوف ننتصر بإذن الله على الشر الضارب بأطنابه فى بلدنا الحبيب.
5 التعليقات:
الاستاذة سامية
أسلوبك مفعم بالسخرية وهي سمة لا يتقنها الا المتاب الكبار تحية لقلمك ايته الشاهقة
اسلوبك رااااائع جدًا في السخرية يا استاذتنا .
الحقيقة أنه عمل انسانى عميق ، خاصة جملتك الأخيرة عن اللي بالي بالك ، أ أأ أ تقصدي الفيلم طبعا ( احنا عايزين نعيش برضو يا ماما :) )
اعلن اننى أول المنضمين إلى هذا الحزب الضاحك .
يا خوفي بس لايقولوا عمل ارهابي واننا بنشيع الضحك بالعافية وتحت تهديد النكت
أضحك كركر لازم تفكر
معادلة صعبة شوية يا أمى
ولكنها تستحق المجازفة
طبعا معااااااااااكى
بس من غير نكت
انا همسك العلاقات العامة ، وهلم الحساب
ويارب يضم التنظيم اكبر عدد من مجيدى فن الابتسام
والراغبى فى الترفيه عن هموهم
إذا كنا عايزين ننجح في الموضوع ده يبقا لازم الأول نزود في القوانين من دلوقتي بدل ما نزودها شوية شوية كعادتنا ...
ياعني اولا ممنوع الضحك بصوت عالي منعا للأزعاج و حفاظا علي المظهر الائق و ممنوع الضحكة المكتومة لأنها ضحكة منفسنة و مش مريحة و ممنوع ان السنان تبان اثناء الضحك لان في ناس بتبقا لسة ضاربة كضري و بيبان حاجات مش عاطفية خالص و ممنوع طبعا الضحك الأصفر لانها ضحكة سماوية و بخصوص النكت تعليق اصحاب النكت البايخة من رجولهم و تعليق اصحاب النكت الأحم من شعرهم و اصحاب النكت إللي بالي بالك حيخرجوا من ذمتنا عشان في غيرنا حيعملوا الواجب معاهم و احنا مش عايزين نتاخد في الرجلين لا مؤخذة و مراعاة سمعة مصر في الخارج اثناء إلقاء الأفيهات احسن يقولوا اننا احنا إللي شوهنا منظرها الخلاب و لا حاجة و بما انك يا دوك منعتي كركة الجوزة ففي بدائل اخري زي السجاير الملفوفة و الحقن و البودرة لانها الحاجة الوحيدة إللي حتخلي الناس تمشي تضحك بعد كل ده بدون سبب و دمتم
تصحيح : ضاربين كشري مش كضري ...
إرسال تعليق